講明人情實名制勿付少

是咁的,婚宴人情,公價多少?離島酒店 Lunch Buffet 真的更高級嗎?日前 WhatsApp 瘋傳一則短訊,疑似由一名即將出嫁的 90 後 IG 網紅 Foodie 發出;她在短訊「溫馨提示」獲邀出席其 Lunch Buffet 酒店婚宴的朋友,必須付現金人情,不能以禮物或現金券代替。該名 IG 網紅準新娘又強調,她在離島酒店擺的 Lunch Buffet「係好貴的」,絕非一般 Lunch Buffet 可比擬。她更在短訊最後明言:「人情既(嘅)利是封係要寫低你個名的!」


WhatsApp 全文


據了解,涉事 90 後準新娘乃 IG 網紅 Foodie,參與經營一間 Cafe,標榜為影相打卡熱點。該名 90 後 IG 網紅準新娘,向獲邀出席酒店婚宴朋友發出的短訊,全文如下:


咁講會有啲尷尬,希望你吾(唔)好介意呀

同埋我叫左(咗)好少人,所有人加埋係 9-10 圍,所以叫得都是我喜歡的

就係咁既(嘅),因為聽到有人以為可以吾(唔)洗比人情,淨係比結婚禮物就得

但以我所知及問過人,去飲係一定比人情(亦都有結左(咗)婚既(嘅)人講番收過吾(唔)係錢,而係 Coupon) 

為免發生呢啲事件,我溫馨提示大家

另外今次既(嘅)愉景灣酒店 buffet 係好貴的

人頭算的(因為有朋友話以為係 lunch buffet 就平好多)

希望大家明白結婚已經要用好多錢,冇理由要我地每位倒貼幾百蚊架(㗎)嘛

同埋人情既(嘅)利是封係要寫低你個名的


網民:應該斷交


這則由疑似 90 後 IG 網紅準新娘發出的「溫馨提示」 WhatsApp 短訊在網絡瘋傳,不少網民紛紛側目,踴躍討論。有網民直斥:「我係佢朋友的話,就唔會去啦... ...無禮貌朋友,應該斷交!」、「有無搞錯,咁都講得出口,以後都係遠離這人,好像為了賺錢咁!」


「平均每人 833 元」


準新娘強調愉景灣酒店婚宴 Lunch Buffet「係好貴的」。小記花生咬一口,有幾貴呀?有網民遂上網查閱愉景灣酒店 Lunch Buffet 的價格:「好似是 10 萬元包 120 人,平均每人 833 元,所以她說好貴,可能驚人封少過 800 元,因 800 元都圍唔到本。」


婚姻顧問:沒有明文規定俾人情


擔任婚姻顧問 26 年的歐惠芳表示,親友「俾人情」只是「潛規則」,並沒有明文規定,亦非必然的事情,更沒有規定金額。有親戚會以金器相贈,或比現金更貴及有紀念價值。


歐氏指出,新人舉辦婚禮是雙方的決定,故二人必須承擔婚禮的費用。她續稱,市面上並沒有明碼實價的「人情公價表」,封人情要視乎擺酒地點、親友關係等因素。歐氏狠批準新人向來賓「溫馨提示」付現金人情,令人反感,讓賓客感到「貼錢買難受」。


原文:https://ezone.ulifestyle.com.hk/article/2274692/90%20後%20IG%20網紅出嫁要求朋友付現金人情兼寫名%20準新娘:酒店%20Lunch%20Buffet%20好貴的

Source: ezone

74 / 81
你可能感興趣的文章